ТАДБИРКОРЛИКДАН ТАРАҚҚИЁТ САРИ

Тадбиркорлик - чинакам маънода юксак фаолият мезони. Ўзида шижоат, ташаббускорлик, яратувчанлик қобилиятини шакллантирган инсон борки,

у тадбиркорликнинг ҳар қандай тури билан шуғулланишга, уни равнақ топтиришга қодир бўлади.                                                                                        Маълумки, туманимизда 2016 йил 1 январдан “Ягона дарча” маркази фаолият юритиб, тадбиркорлик субъектларига 16 турда Давлат хизматлари кўрсатиб келмоқда. Шу кундан бошлаб тадбиркор бўлиш истагидаги барча субъектлар ўзларини ҳам вақтини, ҳам нақдини тежаган ҳолда барча маълумотларга эга бўлиб, мавжуд муаммоларига ечим топа олдилар. Бу эса мамлакатимизда яратилган имконият ва шарт-шароитларнинг истиқболли самарасидир.                                             Марказда бугунга қадар тадбиркорликни қўллаб-қувватлаш борасидаги иш-фаолиятимиз ўзининг ижобий натижасини кўрсатиб келмоқда. 2016 йилнинг якуни билан ҳисоб-китоб қилганда жами 1235 та тадбиркорлик субъекти Давлат рўйхатидан ўтган. Жумладан, 221 та юридик, шундан 28 та оилавий корхона, 47 та МЧЖ, 2 та агрофирма,  738 та якка тадбиркор, 42 та оилавий тадбиркор, 137 та фермер хўжаликлари субъектлари  давлат рўйхатидан ўтказилган бўлиб, тадбиркорлик субъектларига 373 та Давлат хизматлари кўрсатиб келинмоқда. Шулардан 73 таси муҳандислик коммуникация хизматларига улаш, 36 та қурилиш-монтаж ишларига руҳсат бериш, 89 таси ер участкада бўлганларни ҳуқуқларини Давлат рўйхатидан ўтказиш,  81 таси бино ва  иншоотларга бўлган хуқуқларни давлат рўйхатидан ўтказиш хизматларидир.                                                                                                                                                                                                      Давр билан таққослаганда, 2016 йил январ ойида 87 нафар тадбиркор давлат рўйхатидан ўтган бўлса, 2017 йил  январ ойида 102 нафар тадбиркор давлат рўйхатидан ўтказилган. Мазкур кўрсаткич 117 фоизни ташкил қилмоқда. Бу эса йилдан йилга тадбиркорлик билан шуғулланувчиларнинг сони ортиб, тараққиётимизни бир бўлагига айланган кичик бизнес ва хусусий тадбиркорлик фаолиятининг жадал суратларда ўсиб, такомиллашиб бораётганидан далолатдир.  

 

                                                                                                                                                                                                         Ражаббиби АБДУЛЛАЕВА,

                                                                                                                                                                                                  “Ягона дарча” маркази раҳбари